الجمعة، ٤ مايو ٢٠٠٧

الانتظار


كانت تقف كعادتها فى انتظار الحافله التى ستقلها الى العمل. تائهة نظراتها بين الطريق وساعتها والمارة وجوهاً ربما تعرف بعضها وتجهل البعض

تدق الساعة الثامنة ومازالت الحافلة ليس لها اى اثر، أخذت الافكار تتزاحم فى خطاهرها وتذكرت أول لقاء لهما كان لقاء عابر ربما لم يستمر إلا دقائق معدوده ولكنها ستظل طوال حياتها تتذكره، لا تعرف لماذا تخيلته فارس من فرسان العصور الوسطى يستل سيفه ليواجهه معها كل الصعوبات

تدق الساعه الثامنة والنصف تتذكر الحافلة التى لم تأتى بعد ولكنها لم تشغل بالها كثيراً بأسباب تأخرها، فقد كان خاطرها مشغول بتذكر كل تفاصيل ملامحه وكأنها تريد ان تحفر هذه التفاصيل على جدران قلبها، بينما هى شارده الذهن فإذا بيد وهنة تطرق على كتفها طرقاً خفيفاً لتخرجا من شرودها وتعيدها إلى مكانها

نظرت فوجدتها سيدة عجوز تظهر آثار تجاربها فى الحياة على وجهها، تحنى هموم الزمان ظهرها، تلبس جلباب اسود وعلى رأسها شال اسود يظهر التاج الابيض من تحته وعلى ذقنها وشم كالذى تدقه سيدات الصعيد

تعجبت ولكنها قالت فى نفسها ربما تريد ان تسألنى على الطريق، لم تتركها السيده العجوز تتساءل كثيراً وسألتها: أقرأ لكى الكف يا صغيرتى إنى اجيد قراءة الكف ولى فى هذا المجال خبرة كبيرة، جعلت تزين لها قراءة الكف، وهى التى لا تؤمن بمثل تلك الخرافات، ولكنها قالت: لا ضير ان اجرب فهى مجرد لعبة لا يمكن ان آخذها على محمل الجد ، وأعطتها كفها فى قلق وخوف

دقت الساعة التاسعة نظرت السيدة العجوز فى خطوط الكف وارتسمت على وجهها علامات الجد والتعجب، وقالت : انتى يا بنيتى تحبين ولكنك تنتظرين فى المحطة الخاطئة إن الحافلة التى تنتظرينها لن تمر من هنا، إما ان تلحقى بها وإلا ستندمين لانتظارك دون جدوى، فالحب يا صغيرتى لا يأتى إلينا بل يجب ان نسعى له نحن

مرت الساعات وهى تسترجع كلمات قارئة الكف مرات ومرات ولم تدرك ان الحافله لم تأتى بعد

هناك ٥٠ تعليقًا:

محمد عبد الغفار يقول...

كذبت ، فالحب يأتى ولا نسعى اليه

shermen يقول...

فعلا الحب يأتي إلينا ولا نسعى له
إن ما حدث لها
أنها شغلت نفسها بكلام تلك السيده العجوز
ونسيت انها تنتظر الحافلة فمرت على الرغم منها
-----------------
قصه رمزيه لكنها جميله
تحياتي

الدبور يقول...

طبعا قراءة الكف و الفنجان و المندل
كله خزعبلات وخرافات
وكذب المنجمون ولو صدقوا

غير معرف يقول...

ابو عبدالله
اوقات كتيرة ممكن حتى نصادف الحب ونسيبه يضيع مننا بايدينا
تحياتى ليك

غير معرف يقول...

ميرسى شيرمين على مرورك
هو ده الحب فرصه لن تدق على باب القلب طويلا
تحياتى

غير معرف يقول...

ميرسى يا دكتور على مرورك
ومفيش بعد كلامك كلام

heba يقول...

القصة جميلة وأسلوبك سهل وجميل بس انا اتضايقت علشانها هي المفروض مكانتش تصدق في موضوع الكف ده .. شفتي بالها انشغل ازاي

الحافلة بقى أكيد فيها عطل عشان كده معدتش بس مش هي دي الحافلة اللي العجوز كانت تقصدها بس جايز كلامها يكون فيه إشارة للفتاة عشان تعمل حاجة معينة .. ما هو الواحد طول ما هو ماشي بيقابل إشارات يا إما بيفهمها يا إما بتفوته

تحياتي .. سلاماتي .. احتراماتي

أميرة البلطجية يقول...

نسعاله يعني نعمل ايه؟؟؟

barbie girl يقول...

معجبتنيش حكاية قراءة الكف دى

يا مراكبي يقول...

طبعا إحنا مش هنناقش موضوع قراءة الكف لأنه مجرد رمز داخل القصة

كذب المنجمون ولو صدقوا .. كذب المنجمون ولو صدفوا

المعنى هنا واضح وإن كان غير مباشر وده مطلوب .. الحافلة هنا ما هي إلا إسقاط للحبيب اللي ما شافتهوش غير مرة واحدة لمدة قصيرة

وإنتظارها للحافلة مدة كبيرة بيدل على إن الشخص ده مش هاييجي .. والدقايق القليلة اللي جمعتهم مش مبرر إنها تخليهم يتقابلوا تاني

أحييكي وإستمري

خمسة فضفضة يقول...

السلام عليكم ورحمة الله وبركاته

جميله جدا واسلوبها رائع ملئ بالاسقاطات المعبره

غير معرف يقول...

معاكى حق يا شموسه
الانسان بتقابله فى دنيته اشارات كتير يا بيفهمها يا اما بتفوته

تحياتى احترمى سلاماتى

Shiko يقول...

قارئة الكف هنا قصدت ان طالماالحب موجود يبقى لا داعى للتردد
لازم ناخد خطوات ايجابية

Shiko يقول...

باربى ولا انا اؤمن بالحاجات دى
بس مش هو ده مربط الفرس هنا
تحياتى ليكى

Shiko يقول...

اشكرك يا مراكبى على التحليل الجميل واشكرك كمان على التشجيع

Shiko يقول...

وعليكم السلام ورحمة الله وبركاته
انا مبسوطة ان الموضوع عجبك يا فضفضة
اشكرك على المجاملة الرقيقة

khaled يقول...

جميلة
ربنا يوفقك و تكتبى المزيد

سندباد يقول...

مساء الخير دي زيارتي الاولي للمدونة احييكي عليها
انا قريت البوست وقريت التعليقات واحد مايد اننا نسعي للحب وواحد رافض انا هاقلوك راي بس لما اعرف انتي رايك ايه

غير معرف يقول...

خالد
ميرسى على تشجيعك ودايما منور البلوج بزيارتك

غير معرف يقول...

سندباد
اهلا وسهلا بيك
طبعا لازم هيكون فيه اختلاف فى الاراء ولكنه لا يفسد للود قضية
وردا على سؤالك لو كنت مكان البطله طبعا مش مؤمنه بقراءة الكف وانى انتظر كما ينتظر الاخرون مرور حافلة الحب ربما تأتى يوما فى زمن لا يؤمن بالانتظار
كما انى انتظر رأيك

meroooo يقول...

ماعنديش غير اني اقولك
الله عليك ياشيكو بجد الله عليك
بس للاسف ماحدش عارف اذا كان واقف في محطه بتاعته ولا محطه غيره
مش كلنا هنلقي عارفه تدلنا علي طرقنا
ربنا يوافقك والي الامام

أخف دم يقول...

الأول اتمنى تكونى بخير يا رب ويكون مزاجك احلى وده الأهم
وبعدين الحافلة هتيجى هتيجى ..
ماتقلقيش

david santos يقول...

Madeleine, a girl of 4 years was abducted in the Village of the Light, the Algavre, Portugal in day 3 of this month goes all to place fhoto of the girl to find

سندباد يقول...

الحب ياتي ولا يسعي اليه ولكن اذا اتي وتاكدنا انه حب صادق نسعي للحفاظ عليه بكل ما اوتينا من قوة لان الحب الصادق اصبح نادر جدا هذه الايام

غير معرف يقول...

ربنا مايجبش قلق

انا بخير يا اشرف ميرسى على سؤالك

نورت يا اخف دم

koukawy يقول...

انا اتفق مع محمد عبد الغفار

غير معرف يقول...

كوكو
بتختلف نظرة كل واحد فينا لمفهوم الحب
بس تعملى ايه لو صادفك الحب وسيبتيه يمر بحياتك بدون ما تتمسكى بيه او عينيكى ماشفتهوش من اصله وقلبك ماحسش بيه من هنا جت نصيحه العرافه ان لازم لو صادفت الحب ما تسيبهوش يمر فى حياتك مرور الكرام
بين قوسين
وحشتينى جدااااااااا
تحياتى

Shiko يقول...

ميرسى يا ميروو على تشجيعك
واتمنى ان لا نخطأ محطاتنا من الان فصاعدا
تحياتى ليك

Shiko يقول...

Mr. david
i hope they find the little girl, but i heard that the police making good efforts to return her back to her parents

Shiko يقول...

اخى السندباد
نظرتك متشائمه هناك حب يا عزيزى ولكن نحن من نقتله بايدينا اما باختيارنا الخاطئ لشريك المستقبل او بحبنا وخوفنا الزائد عن اللزوم او باهمالنا للحب
اشكرك على ردك
تحياتى لك

حقى اهرتل يقول...

انا كنت من غير الصحاب صاحب قلق
وكنت عايش ف الحياه ع المفترق
مين اللى قال انك هتقدر تنتفض
من غير ما حد يشد ايدك م الغرق

غير معرف يقول...

الله كلام جميل يا هرتله

نورت البلوج بس ماقلتش ايه رأيك فى البوست

صاحب البوابــة يقول...

اعجبني للغاية مضمون القصة

ومدى عمق مفهومها

تحياتي لقلمك المبدع

koukawy يقول...

بين قوسين و انتي كماااااااااااااااااان
اقولك لو مر و محستش بيه يبقي ما كانش الحب بتاعي اللي هو هيكمل النص اللي ناقص
لو هو الحب اللي مقسوملي عمره ما هيعدي مش هحس بيه

غير معرف يقول...

ميرسى صاحب البوابه
نا اسعدنى مرورك على مدونتى
تحياتى لك

TAMTAM يقول...

جميلة جدا يا شيكو

انا كان نفسي يجي الباص فيه حبيبها:D

لألأ ماتشغليش بالك دي تخاريف قبل الامتحانات

اسلوبك في العرض حلو اوي

استمري

غير معرف يقول...

ميرسى يا طمطم

وربنا يوفقك فى الامتحانات
ويجعل كلامنا خفيف على المراقبين والمصححين
:)

Ehab يقول...

معاك حق يا محمد جعفر انا برده متأكد ان الحب يأتي ولا نسعى اليه
يعني انت تبقى مش ناوي على حاجه خالص دلوقتي وبعدين تبص تلاقي نفسك متدهول ومش عارف ايه اللي جرالك
طبعا قراءة الكف حرام للإنها من الكبائر
____________________________
انا تصفحت المدونه كلها واسلوبك جميييل قوي
بس هو انتي اللي صورتي الصور بتاعة الأثار ومصر دي ولا من موقع تاني
انا ليه واحد صاحبي هو اللي حببني في التصوير
والصور دي جميله جدا اللي صورها فنان محترف بجد
سلااااااااااااااااااااااااااام

غير معرف يقول...

شنكوتى نورت البلوج
ميرسى على ردك الجميل
بالنسبه للصور دىى م على جهازى واكيد لمصورين محترفين بس انا قمت بعمل الفلاشه دى من على احد المواقع
مبسوطه انها عجبتك وانا برضو بحب فن التصوير جدا

break يقول...
أزال المؤلف هذا التعليق.
break يقول...

قصة رمزية جميلة اوى واسلوبك حلو اوى بس بختلف معاكى فان الواحد هو اللى بيدور على الحب
فى مقولة بحبها اول لاحلام مستغانمى بتقول
اجمل حب هوا الذى نعثر عليه عند بحثنا عن شىء اخر
تحياتى لكى

غير معرف يقول...

ميرسى break على ردك الرقيق

شرفنى مرورك عل البلوج

عقد الياسمين يقول...

عجبتني القصة كقصة
الصراحه كنت متخيلها كأنها أدامي
تحياتي و تقديري

t3ban يقول...

انا اول مرة اقرا حاجة صغيرة كدة و احس برعشة
معرفش دي من البرد و لا من حاجة تانية
بس الأسلوب فوق الروعة

assafo anaroze يقول...

الله
كنت فين من زمان و الله يا حازم يا نبراوي لك الف شكر انك و صلتنا لهذه المدونة الرائعة
********
فالحب يا صغيرتى لا يأتى إلينا بل يجب ان نسعى له نحن
بالفعل الحب لا ياتي هكذا بل نحن من يجب ان نسعى اليه
حكمة بليغة اوي
ربنا يرحمك و يحسن اليك يا شيماء

غير معرف يقول...

عطشـــان ياصبايا دلونى على السبيل

فى عام 2008 كتبنا فى مصــــرنا محذرين ... من المؤسف أن صحفى مصرى مقيم فى أمريكا يكتب و يهتم و يحذر منذ أكثر من 6 سنوات بينما فى مصـــر نيام .. نيام -
عزيــــزى القارئ أرجو أن تتعب نفســـك و تقرأ :
- حوار مع السفير إبراهيم يســـرى
- حوار الفريق ســوار الذهب : أتمنى أن تزول الحدود بين مصــــر و الســـودان
- ثقافة الهزيمة .. السودان أرض مصرية
- ثقافة الهزيمة .. موسم الهجرة إلى الجنوب ...

بالرابط التالى

www.ouregypt.us

aliben يقول...

الكل في حيرة وانتضار الا ان عباد الله المؤمنون يثقون فيمن يدبر لهم الاقدار ويستعيذون به من اهل النار ويءلونه جنة وتكريما جراء صبرهم على البلاء وطاعة اوامره في تحليل الحلال وتحريم الحرام وهذا حال كل من كان دينه الاسلام

aliben يقول...

الكل في حيرة وانتضار الا ان عباد الله المؤمنون يثقون فيمن يدبر لهم الاقدار ويستعيذون به من اهل النار ويءلونه جنة وتكريما جراء صبرهم على البلاء وطاعة اوامره في تحليل الحلال وتحريم الحرام وهذا حال كل من كان دينه الاسلام

Unknown يقول...

thx

كشف تسربات المياة
غسيل خزانات
شركة نظافة عامة

Unknown يقول...


thank you

سعودي اوتو