الثلاثاء، ١٣ فبراير ٢٠٠٧

الحب زي الكيميا


هو الحب حاجة زي الكيميا.. حاجة كدة بتحصل متعرفلهاش تفسير
الحب هو إنك تحب إنسان معين لذاته مش لأي حاجة تانية
هو إنك تشوف حبيبك أجمل واحد في الدنيا.. أحلى من كل البشر
الحب هو إنك تخاف عليه
الحب هو إن هو يخاف عليك أكتر ما بتخاف على نفسك
الحب هو إنه يوحشك و هو جنبك
هو إن حبيبك يبقى مالي عينيك
هو إنك تحافظ على كرامة اللي بتحبه وتحط صورته دايما أصاد عينيك
الحب هو إنك تبقى عايز تتغير و تكون أحسن عشانه هو.. لما تبقى ضحكة حبيبك و سعادته عندك أهم من أي حاجة تانية
الحب هو مكالمة تلفون تجيلك في عز مانت مشغول و متضايق و تنسيك تعب الدنيا
الحب هو حد بيقولك كل سنة وانت طيب ليلة عيد ميلادك
هو لما تحس انك قادر تواجه اي مشكلة مادام الشخص ده واقف جنبك
الحب لما تبقى عايز تشوف حبيبك احسن واحد في الدنيا
الحب لما حبيبك ياخد بايدك و يقربك من ربنا
الحب لما تحس بالامان وانك ماسك الدنيا كلها بايدك
الحب لما تدي للي بتحبه من غير ما يسال
الحب هو انك تغفر لحبيبك
هو انك تسامح
الحب لما تفهم حبيبك من نظرة عينيه.. الحب هو انك تقابل توأم روحك
الحب لما تحس بحبيبك من غير ما يتكلم حتى وهو بعيد عنك
الحب لما متعرفش مين بيحب التاني أكتر

الحب لما تحب واحد بيحبك

منقول من ايميل

هناك ٢٢ تعليقًا:

koukawy يقول...

الحب بيجي غصب عنك حتي لو انتي مش عايزه00
و كمان المشاركه في كل شئ حتي الخناق
و ده احلي حاجه في الدنيا
happy valantines day

غير معرف يقول...

happy valentines day ya koko
الحياه من غير حب لا تطاق ولا يشترط ان يكون الحب بمعنى العلاقه بين الرجل والمرأة ولكن الحب بشتى انواعه
كل سنة وانتى طيبه

الحصان الأسود يقول...

انا موافق كل اللي قلتية ما عدا الجملة الأخيرة

الحب مش انك تحب حد بيحبك
مش علشان بيحبك تحبة

الحب انك تحب حد وماتبقاش عارف بتحبة لية ولا تسطيع تبرير الشعور

لو استطعت تبريرة يبقى مش حب

يعني لو باحبها علشان جميلة ورقيقة ورشيقة شعرها اصفر وعنيها حلوة و هادية ومؤدبة ومن عيلة كويسة و ابوها رجل اعمال ومامتها ايطالية و اخوها بيشتغل في منصب كويس و علشان هي بتحبني وعندها عربية و اهلها مجهزينها كويس ..... دة مايبقاش حب
دة يبقى هي عاجباني علشان جاهزة وعروسة مناسبة ولقطة

مش اكتر

غير معرف يقول...

عزيزى الحصان الاسود
اتفق معاك فى الرأى الا ان المقصود هناك ان الحب لايكتمل الا اذا احببت من يحبك
لان الحب من طرف واحد حب مشوه

تحياتى واتمنى لك دنيا مليانة حب

raspoutine يقول...

الحب انك تحب حد ويطلع مبيحبكش وتفضل تحبه!!!!!!!!!!!!!

غير معرف يقول...

بس ده يا راسبوتين فيه تعذيب للنفس
لو الطرف التانى مش بيحبك او مش حاسس بحبك يبقى حبك من غير امل
وعلاقه من طرف واحد مالهاش نهايه
بين قوسين
اذا اردت شئ بشده فأطلق سراحه فإن عاد لك فهو ملكك وإذا لم يعد لك فهو لم يكن ملكك من البدايه

عيد حب سعيد عليك وربنا يجمعك بالانسانه المناسبه
تحياتى

koukawy يقول...

يا شيكو ابشرييييييي00
لقيت سايت فيها
templates
حلوه00بس مش عارفه تتغير ازاي 00ادخلي و لو عرفتي قوليلي
www.bravenet.com

غير معرف يقول...

اوكيه يا كوكو
انتى شغلك الموضوع ده زيى
ربنا يسهل ولو عرفت حاجه اقولك

متشكرين يافندم على المجهود

heba يقول...

كل سنة وانت دنيتك كلها حب يا شيكو بس هو الحب اللي انت قلتي عليه في البوست بتاعك .. موجود حقيقي ؟

غير معرف يقول...

وانتى طيبه يا شموسه

الحب اكيد موجود بكل اشكاله والا نقول على الدنيا السلام

الحب الافلاطونى او حب الروح قبل الجسد موجود بس مش كل الناس عايشه فيه

كلها قسمه ونصيب لما ربنا يريد الحب والموده بتدخل القلبين

koukawy يقول...

انتي فين يا شيكو بقالك كتير؟؟؟

أخف دم يقول...

الحب هوه ان حبيبك يحول لك خمسة جنيه رصيد..
الحب هوه ان حبيبك دايما هوه اللى يعزمك فى كنتاكى..
الحب هوه ان حبيبك هوه اللى يجيب لك دباديب عيد الحب وانت مطنش..
الحب هوه ......
حاجات كتير قوى.. هابقى اقولها بعدين..

غير معرف يقول...

كوكو حبيبتى
انا هنا بس هى حالة من عدم التنظيم فى حياتى
حاسة ان الاوراق كلها مبعثره
او ما اجد الوقت لكتابه بوست جديد مش هتأخر

شكرا يا قمر على سؤالك

غير معرف يقول...

عم اشرف يا اخف دم

ايه يا سيدى اللى بتقوله ده
اللى كاتبه مش بيسموه حب بيسموه استقطاع زى اللى بتعمله الحكومه فى مرتبات الموظفين
هههههههههههههههه
انا فى انتظار بقيه تعريف معنى الحب
منكم نستفيد
الله يكون فى عون خطيبتك لو خاطب وبرضو الله يكون فى عونها لو لسه هتخطب

نورت يا باشا وسيبت اجمل ابتسامه

Memo يقول...

رغم اني بطلت اقرا عن الحب عشان المود بتاعي يعني طين على طول بس تحياتشي

غير معرف يقول...

جرعة حب مركزة يا ميمو

اصل الحياة من غيره ما نقدرش نعيش فيها مهما تخيلنا ان حالنا كده احسن ولا كده مرتاحين البال

تحياتى يا قمر ونورتى والله

shabfa2re يقول...

يارب اوعدنى بواحدة تعبرنى
مش هنفع كده
مع انى ابيضانى وحليوة
البنات اتعموا بقى
:(

غير معرف يقول...

هههههههههههههه

الحكايه مش بياض وسمار
الحكايه فى انك تتوفق وتلاقى نصك التانى المكمل ليك اللى بيفكرك معاك بيحلم معاك بيقف جنبك وقت الشده
وباذن الله ربنا هيهديكم لبعض
بكره تقول شيكو قالت
تحياتى يا عم الشباب

koukawy يقول...

missed u

غير معرف يقول...

thanx koko, i missed u 2

الدبور يقول...

ايه الجمال ده
بس انا لا اؤمن بالحب او اعتقد ان زمانه انتهي ماعلينا
انت فين مختفيه ليه ابقي اظهري وخلينا نشوفك
تحياتي
الدبور

غير معرف يقول...

ازيك يا اسامه
بس انت قول
اظهر وبان عليك الامان
هتلاقينى على طول قدامك
الحب اكيد موجود والا تقول على الدنيا السلام
هو بقى نادر جدا لدرجه انى سمعت انه هيبعوه فى السوق السودا
تحياتى