الاثنين، 20 نوفمبر، 2006

بقى ده كلام !!

السلام عليكم جميعاً
بما انى مصريه مينفعش يكون فيه مهزله حصلت فى بلدى واقف اتفرج عليها دون ان اناقشها معاكم جايز نحاول نحط
ايدينا على اسباب المشكله او نعرف ليه ده حصل ؟
او على الاقل نعرف ازاى نمنع حدوث الكارثه دى مرة تانية
طبعاً كلكم سمعتوا عن احداث التحرش الجنسى أو زى ما بيسموها "السعار الجنسى" فى وسط البلد ايام العيد وزيكم انا سمعت ومصدقتش لكن بعد ما قرأت فى عدة جرايد منها على سبيل المثال "جريدة الدستور" وكمان شفت صور ومقاطع فيديو لتلك الاحداث على مدونات عديده صدقت وآمنت
اللى مش مصدق او مش عايش معانا يضغط على الرابط التالى
لا اخفيكم سراً انا فزعت هل احوال البلد ساءت للدرجه دى من امتى البنات خلعوا عباية الخشا ومن امتى الشباب بقى كل هموا يجرى ورا الجنس
راحت فين الاخلاق ماتت ويا ترى اتعمل العزا فين وانكتب العزا فى صفحة الوفيات بالبنط العريض ولا لا؟
احب اسمع ارائكم عشان نستفيد ونتناقش بموضوعيه ونحاول نوجد حل بشكل حضارى بعيد عن الالفاظ البذيئة او العبارات الخادشة للحياء

هناك 5 تعليقات:

Silent_MODE يقول...

بصراحة عندك حق يا هاميس ...

لكن منتظرة اية من شباب عندة تأخر في سن الزواج وحالتة زي الزفت وبدل ما نشجعة على التقوى والصبر بنفرجة في التلفيزون والفضائيات على افلام زبالة وكليبات سريرية اقل ما يقال عتها انها فاضحة ..

دة شيء مؤسف جدا

Silent_MODE

Shiko يقول...

نورت البلوج يا سايلنت

الموضوع مؤلم بجد

لكن لو كل واحد فينا هيرمى خطأه على غيره يبقى عمل حال البلد دى ما هينصلح

"ان الله لا يغير ما بقوم، حتى يغيروا ما بأنفسهم"

طائر الظلام يقول...

ما حدث ليس غريب فل ننظر الى حالة الاغتصاب التى مرت فى بلادنا سوف نجدها عديده ولكن يبقى سؤال واحد يطرح نفسه لماذا حدث هذا ؟فى تصورى انه ليس لتأخير الشباب فى الزواج ولكن السياب التى يرتدهن الفتيات كانت ملفته اكثر من واقعت التحرش وفى هذه الحاله ليس شاب واحد الذى فعل هذا وليس خمس مثل واقعة العتبه ولا ثلاثه مثل واقع\ة المعادى بل أكثر بكثير لن اعيب رجال الشرطه ولن اعيب كل من شاهد وجلس ينظر دون أن يفعل شىء لكن اعيب أسره تركت انتها تنزل الى الشارع وهى ترتدى سياب تظهر جسدها وكنها تبع جسدها فالفرجه أول طرق البيع فلهذا حدث ما حدث

Shiko يقول...

طائر الظلام

ربما يكون فى كلامك شئ من الصحة لكن فيه تحامل شديد على البنات

عايزة اقولك ان البنات اللى شهدوا هذه الاحداث اغلبهم محجبات ولابسين ملابس طويله فضفاضه ومنهم منقبات

المشكله يا صديقى مش فى اللبس لكن فى الاخلاق.

تحياتى لك يا صديقى نورت البلوج

غير معرف يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه