Shiko online

غياب لاجل يعلمه الله

noreply@blogger.com (Shiko) — Wed, 04 Jul 2007 12:12:00 +0000

حقيقى وحشتونى جداااااا

ومش عارفه هتوحشونى لحد امتى

لكن كل اللى متأكده منه انى محتاجه دعواتكم

التجربه الصحيه اللى بمر بها مش بسيطه

اذا ربنا كتب لى الشفاء منها هاحكى لكم عنها بالتفصيل

تحياتى لكم كلكم

مرايا ووجوه

noreply@blogger.com (Shiko) — Sun, 27 May 2007 17:52:00 +0000

هل سبق ونظرتم داخل مرآة نفوسكم؟ انه اختبار صعب لايقدر عليه الا من يستطيع مواجهة هذا العالم بكل ما يحمله من صراعات وظلام ومخاوف

فى محاولاتى للبحث عن وجهى الحقيقى -الذى ضاع بين كم هائل من الاقنعة التى امتلكها واشهرها فى وجه من اريد وقتما اريد- اكتشفت انى لا اجده او فلنقل نسيت ملامحه

وجدت اقنعة لم اعرف ان كنت قد ارتديتها من قبل ام اجهزها لحينها اقنعة اعتدت على بعضها وكرهت الاخر

هذا القناع اعرفه جيدا انه قناع ضعفى وطيبتى امام من احب هذا القناع اعتز به كثيرا الا انه طالما ارهقنى وهمشنى جعل منى ظلا للاخرين فلا اظهر ابدا تحت الاضواء جعلنى دائما اتحمل الخطأ واحمل نفسى فوق طاقتها

وما هذا القناع؟ انه بغيض اكرهه واتمنى ان ألقيه فى اقرب سله مهملات قناع الزيف والنفاق وكم ألبسه انا وغيرى فى سباق طموحاتنا التى لا نهاية لها ولكنه يجعلنى بعد ذلك اشعر بالاشمئزاز منى وممن حولى ورغم ذلك فانى لا استخدمه كثيرا فلا اعتقد انه وجهى الحقيقى والا كنت انسانه منفرة

قناع ثالث وما اكثرهم !! قناع العيب والحرام قناع بلى من كثر استعماله فى زمن لا يستخدم هذا القناع الا المتأخرون غير مواكبى التقدم والعولمة وحتى هذا القناع احاول الا البسه كثيرا حتى لا اوصف بالتخلف والرجعيه

وهذا القناع الملقى فى اخر الحجرة قناع الرومانسية وقد نالنى منه ما كفانى فليبقى بعيدا

قناع دست عليه بقدمى انه قناع اليأس واظن انى فعلت الصواب فاذا اردت ان اصل لوجهى الحقيقى لابد ان ابعد قناع اليأس عنى

لقد تعبت من كثرة البحث وعناء رؤية كل تلك الاقنعة والان يبقى السؤال هل مازلت احتفظ بوجهى الحقيقى ام اننى فقدته الى الابد؟ هل وجهى الحقيقى مكون من كل تلك الاقنعة معا فلا يمكننى ان البسها منفصله؟

هل انا وحدى التى يجب ان تبحث عن وجهها الحقيقى ام ان العالم من حولى ايضاً يلبس اقنعة ؟

واخيرا الى كل من يهمه الامر فقد وجهى الحقيقى من يجده له عندى مكافأة مجزية

الانتظار

noreply@blogger.com (Shiko) — Fri, 04 May 2007 17:32:00 +0000

كانت تقف كعادتها فى انتظار الحافله التى ستقلها الى العمل. تائهة نظراتها بين الطريق وساعتها والمارة وجوهاً ربما تعرف بعضها وتجهل البعض

تدق الساعة الثامنة ومازالت الحافلة ليس لها اى اثر، أخذت الافكار تتزاحم فى خطاهرها وتذكرت أول لقاء لهما كان لقاء عابر ربما لم يستمر إلا دقائق معدوده ولكنها ستظل طوال حياتها تتذكره، لا تعرف لماذا تخيلته فارس من فرسان العصور الوسطى يستل سيفه ليواجهه معها كل الصعوبات

تدق الساعه الثامنة والنصف تتذكر الحافلة التى لم تأتى بعد ولكنها لم تشغل بالها كثيراً بأسباب تأخرها، فقد كان خاطرها مشغول بتذكر كل تفاصيل ملامحه وكأنها تريد ان تحفر هذه التفاصيل على جدران قلبها، بينما هى شارده الذهن فإذا بيد وهنة تطرق على كتفها طرقاً خفيفاً لتخرجا من شرودها وتعيدها إلى مكانها

نظرت فوجدتها سيدة عجوز تظهر آثار تجاربها فى الحياة على وجهها، تحنى هموم الزمان ظهرها، تلبس جلباب اسود وعلى رأسها شال اسود يظهر التاج الابيض من تحته وعلى ذقنها وشم كالذى تدقه سيدات الصعيد

تعجبت ولكنها قالت فى نفسها ربما تريد ان تسألنى على الطريق، لم تتركها السيده العجوز تتساءل كثيراً وسألتها: أقرأ لكى الكف يا صغيرتى إنى اجيد قراءة الكف ولى فى هذا المجال خبرة كبيرة، جعلت تزين لها قراءة الكف، وهى التى لا تؤمن بمثل تلك الخرافات، ولكنها قالت: لا ضير ان اجرب فهى مجرد لعبة لا يمكن ان آخذها على محمل الجد ، وأعطتها كفها فى قلق وخوف

دقت الساعة التاسعة نظرت السيدة العجوز فى خطوط الكف وارتسمت على وجهها علامات الجد والتعجب، وقالت : انتى يا بنيتى تحبين ولكنك تنتظرين فى المحطة الخاطئة إن الحافلة التى تنتظرينها لن تمر من هنا، إما ان تلحقى بها وإلا ستندمين لانتظارك دون جدوى، فالحب يا صغيرتى لا يأتى إلينا بل يجب ان نسعى له نحن

مرت الساعات وهى تسترجع كلمات قارئة الكف مرات ومرات ولم تدرك ان الحافله لم تأتى بعد

قصة حب

noreply@blogger.com (Shiko) — Tue, 24 Apr 2007 20:18:00 +0000

ازيكم و الله وحشتونى جداااااااااا

وعشان انا بحبكوا ادخلوا على الرابط ده واتفرجوا على قصه الحب الجميله دى

http://www.imageaddicts.net/uploads/lovelovelove.swf

ملحوظه: فيلم الكارتون ده معمول ببرنامج الفلاش

اتمنى يعجبكم وهو مهداه لكم كلكم

تاج السلطنه بس بالانجليزى

noreply@blogger.com (Shiko) — Sat, 31 Mar 2007 21:05:00 +0000

السلام عليكم

التاج ده من الله يمسيه بالخير فيرو مش عارفه مين اللى اخترع حكايه التاج دى ؟(كنت عايزة ادعى له) بس المهم انى هاقول قواله فى التاج ده وكله بالانجليزى

وربنا يستر ومايطلعش فى الاخر فرنساوى وانا مش واخده بالى مش هاطول عليكوا عشان التاج طويل خلقه

section 1

1-last beverage? sa7lab:)

2- last phone call ? my best friend maro

3-last instant message ? greetings for el mawled el nabawy

4- last cd played ? kazem el saher new album

5-last time u cried ? when my father died

section 2 hv u evers

1-date some one twice? there wasn't once 2 b twice

2- been cheated on ?no

3-kissed some one ®retted it ?nooooo

4-lost some one special? alotof times

5- been depressd ? when i lost something i care ab or attached to

6- been drunk 7thruw up ? mashrabsh el shay ashrab kazoza ana

section 3 list 3 favourit coulers

brown,blue,black

27'er section ya gama3a 4 this month hv u

1-made anew friend ? alot of them but not so close

2-fallen out of love ? i struggle not to

3-laughed untill u cried? in the constitution modification, i cried over my country

4-met some one who changed ur life? yup & i don't want 2 lose him

5-found out who ur true friends were? thanks to the problems make me know my friend & my enemy

6- is there some thing u want to tell some one?if u really care ab me don't let me down

7-u kissed any one on ur top friends? nooooooooo

8- how many ppl in ur top friends do u know in ur real life? one

9- how many kids do u want to hv? it's God's will i can't tell

10-do u wanna change ur name? yes i like 2 called my self Hames

11-wt did u do 4 ur last birth day? celebrating wiz my family

12-wt time u wake up to day? ab 9 am it's a vacance

13- wt were u doing at last mid night? watching filme El Resala

14- name some thing u cant wait 4 ? hear good news ab my brother & sister & mom

15-last time u saw ur father? allah yer7amo

16-wt is one thing wish u change about ur life ? my heart return to beat

17- wt r u listening now? send me an angel - scorpions

18- hv u ever talk to some one behind their back? ofcorse no

19- wts the last piece of cloth u borrowed 4om some one ? esharb 4rm my sis

20-who getting in ur mind right now ? my father

21-most visited web page ? my blog, my friend's blogs

22-hv u been kissed 4om any one last weak ? no coz i have influ:)

ودلوقتى فرغ الهزار ما بقى الا الجد نزحلق التاج ده لمين نجرى السحب على الاسماء ونشوف مين سعيد الحظ

الدبور د/ اسامة معلش بقى مفيش عسل من غير لسع

اجمل انسانه من حفرت تاج لاختها وقعت فيه

وحشتونى قلت ما رجعش وايدى فاضيه شموسه- كوكو

مفترق الطرق

noreply@blogger.com (Shiko) — Mon, 26 Mar 2007 20:33:00 +0000

فى لحظه فقدت كل شئ ، وبكلمة انهارت جسور من التواصل كانت بيننا، لا اعلم ما الذنب الذى اقترفته حتى اعامل هذه المعاملة القاسية؟ لم اكن اتخيل يوما ان هذه اللحظة ستأتى لحظه يلفظ فيها عبارة الوداع، ألهذا الحد كلمة الوداع سهلة أكنت تنتظر اللحظه المناسبة لتلقى بها فى وجهى؟

كم اشتاق إلى عينيه هما اصدقائى اجد داخلهما الملاذ والامان، ابوح لهما باسرارى بلغه لا يفك رموزها إلا عينيه، لم يستطع احداً ان يقرأ ما بداخلى كما فعل هو، استطاع ان يطلع على ما بداخلى وكأنى انظر إلى نفسى فى المرآة، الحقيقه بجنونها وحزنها وألمها، لا انفك ابحث عن عنه فى وجوه المارة لعلنى اراه صدفه، احس بان هناك قوة مغناطيسية تجذبنى إليه كلما ابتعد كلما يزداد اشتياقى إليه بجنون

اشتاق إلى صوته وكأنى اسمع صداه رغم البعاد ينادينى، يحلفنى بكل قصص العاشقين ان لا ابتعد عنه، الآن فقط احسست بانى يتيمة اعيش فى جزيرة منعزله رغم كل ما حولى من ضوضاء وزحام، ابكى دون دموع وبداخلى صرخات انين واضحك حتى لا يعرف الناس ما بى، استعيد مشهد آخر لقاء واتذكر اخر كلمات لى معه تعذبنى وتكسر ما تبقى لى من آمال، تحطم بداخلى فى ثوانى تمثال بنيته يوما بيوم

الآن انا اقف فى مفترق الطرق فلا استطيع الرجوع لنقطة البداية مرة اخرى ولا استطيع امتهان كرامتى اكثر من ذلك، اشفق عليك من يوم ستندم فيه على خسارتى، يوم تبحث فيه عن من تشكو إليه همومك دون ان يمل من سماعك، فالانسان لا يحس بقيمة الشئ إلا بعد ان يفقده، هذا ليس غرور ولكن لن تجد فى هذه الحياة من يهتم لامرك اكثر منى، لهذا اذا احسست يوما انك تشتاق إلى ستلقانى وساعتها لن اغلق ابوابى بوجهك لانى لست بقسوتك، احتراما لك سابتعد عن عالمك، رغم ما انا به من حيرة عقدت امرى على البعد فهو الافضل لى ولكن اتمنى ان يكون الافضل لك ايضاًً

مولد ستنا الشجرة

noreply@blogger.com (Shiko) — Sat, 03 Mar 2007 09:45:00 +0000

اسيبكوا تتفرجوا على الفيديو الغالى ده وبعدين نتكلم

http://www.livevideo.com

طبعا مفيش حد فى مصر إلا وسمع عن الشجرة اللى فى اول طريق مصر اسماعيلية الصحراوى

الشجرة اكتشفها جندى نبطشي بالمعسكر حينما وجد ضوء شديد يأتى من الشجرة فنادى على زميله وذهبوا اليها فوجدوا الشجرة مكتوب عليها الله محمد طه

لكن الملفت للانتباه هو ان بعد ظهور الكتابه على الشجره تزاحم الناس عليها وكأنه يوم الحشر و هات يا تصوير بالكاميرات والموبايلات

واخشى ما اخشاه ان تحول تلك الشجرة الى مزار يقصده الجهلة وقليلى الفهم عشان يستباركوا بيها

الفيديو ده جالى حصريا من احد اقاربى وهو بيمر على هذا الطريق كل يوم -متجها الى عمله- ولم يكن هناك ما يسترعى الانتباه فى تلك الشجرة بل كانت شجرة كمثيلتها من الشجر حتى اكتشاف الكتابه عليها

وهناك بعد الاراء التى لا اعرف مدى صحتها تشكك بان الكتابه من صنع احد العساكر باستخدام زونك بندقيه بغض النظر ان كانت بالفعل معجزة الهية او بعمل يد بشريه فهذا لا يمنع من ان ايات الله حولنا كثيرة ويجب ان نسبح الله عليها ونحمده على فضله

ما جعلنى اكتب عن تلك الشجره هو استغلال البعض للحدث الذى دوى اعلاميا واصبح محل حديث المدينه فقاموا ببيع صور الشجرة بعشره جنيهات وبيع الفيديو بعشرين جنيه، يعنى حتى المعجزات حولناها بيزنس وسبوبه نسترزق منها

لمحبى الفوتوشوب

noreply@blogger.com (Shiko) — Tue, 27 Feb 2007 18:25:00 +0000

السلام عليكم

ازيكوا ...............ياااااااااااااااااااااااه بقى لى كتييييييييييييييييييير مكتبتش بوست

وعشان مفيش فى دماغى دلوقتى غير الشغل المره دى البوست لمحبى الفوتوشوب

اتفرجوا على الدرس ده وهو عن كيفيه عمل نص نارى زى ساندوتشات كنتاكى كده

اتمنى يعجبكوا ويكون سهل

الحب زي الكيميا

noreply@blogger.com (Shiko) — Tue, 13 Feb 2007 14:15:00 +0000

هو الحب حاجة زي الكيميا.. حاجة كدة بتحصل متعرفلهاش تفسير
الحب هو إنك تحب إنسان معين لذاته مش لأي حاجة تانية
هو إنك تشوف حبيبك أجمل واحد في الدنيا.. أحلى من كل البشر
الحب هو إنك تخاف عليه
الحب هو إن هو يخاف عليك أكتر ما بتخاف على نفسك
الحب هو إنه يوحشك و هو جنبك
هو إن حبيبك يبقى مالي عينيك
هو إنك تحافظ على كرامة اللي بتحبه وتحط صورته دايما أصاد عينيك
الحب هو إنك تبقى عايز تتغير و تكون أحسن عشانه هو.. لما تبقى ضحكة حبيبك و سعادته عندك أهم من أي حاجة تانية
الحب هو مكالمة تلفون تجيلك في عز مانت مشغول و متضايق و تنسيك تعب الدنيا
الحب هو حد بيقولك كل سنة وانت طيب ليلة عيد ميلادك
هو لما تحس انك قادر تواجه اي مشكلة مادام الشخص ده واقف جنبك
الحب لما تبقى عايز تشوف حبيبك احسن واحد في الدنيا
الحب لما حبيبك ياخد بايدك و يقربك من ربنا
الحب لما تحس بالامان وانك ماسك الدنيا كلها بايدك
الحب لما تدي للي بتحبه من غير ما يسال
الحب هو انك تغفر لحبيبك
هو انك تسامح
الحب لما تفهم حبيبك من نظرة عينيه.. الحب هو انك تقابل توأم روحك
الحب لما تحس بحبيبك من غير ما يتكلم حتى وهو بعيد عنك
الحب لما متعرفش مين بيحب التاني أكتر

الحب لما تحب واحد بيحبك

منقول من ايميل

شجرة الصفصاف

noreply@blogger.com (Shiko) — Fri, 09 Feb 2007 15:23:00 +0000

اجمل وصف سمعته عنك هو من شبهك بشجرة الصفصاف ، تلك الشجرة التى تلقى بظلالها على كل من حولها، دون ان تنتظر مقابل تبقى شامخة صبورة فى وجه الزمن الذى يخط عليها آثاره

كنت انت بالنسبه لى كتلك الشجرة، فى الوقت الذى كنت احس فيه بان الارض تموج تحت قداماى وكل الموازيين امامى اختلت، وجدتك تشد من آزرى وتؤكد لى ان مازال هناك فى الحياة اناس يتبعون قلوبهم، كنت تعرف ماذا اريد ان اقول بمجرد النظر إلى عينيى، كثيرا ما تظاهرت بالقوه فجفت الدموع وتحجرت، ولكن امامك كنت كطفله صغيره يبكى قلبى وانت الوحيد الذى ترى دموعه، كنت بمثابة طوق نجاة لى فى الوقت الذى احسست فيه بإنى اواجه طوفان عارم، تحمينى وتقف بجانبى كأم تحاجى على اولادها .الغريب فى الامر انك فعلت ذلك دون ان تقصد، مددت لى يد المساعدة وتحملت الكثير من اجلى، داويت جروحى ببضع كلمات صادقه خرجت منك

عزيزى، كما قلت لى من قبل الله عالم بما فى القلوب، ولكن ما اعلمه جيداً واثق فيه تمام الثقة، هوانك تمتلك بين ضلوعك جوهرة لا تقدر بثمن ولا يوجد مثيلتها فى هذا العالم اعطيتها لى عن طيب خاطر، ولكنى انوء بحملها، لا اريد ان اكون جاحده فقد اعتزلت الغرام وتركتك فى محراب حبى عابد، عينيك مليئتان بالحزن منذ عرف الحب طريقه إلى قلبك وثغرك فارقته البسمه فاصبح لا يعرف للحياة طعم، فماذا افعل لكى اعيد لك الحياة؟ وكيف يمكن السعادة ان تعرف سبيلها إليك؟

اظن انى اثقلت عليك والقيت على كتفيك هموماً انت فى غنى عنها، صدقنى لا اعلم ما هو الرابط القوى الذى يربطنى بك ولكنى اشعر به بقوة واحس بمدى قربك منى، اتخذت قرار الابتعاد عنك اكثر من مرة وفى كل مرة ارجع لطريقك مرة اخرى، كل ما اعرفه ان ابتعادك عنى بمثابه موت بطئ لى، ولكن ان كان فى الابتعاد راحة لك فليكن ما تريد

هذه الكلمات لا يمكن ان تفيك حقك ولا يمكن ان تعبر عن مدى احترامى وتقديرى لك ولكن لا املك سواها لأقول لك انك اغلى انسان قابلته فى الحياة دمت لى ولكل من يحبك

التاج وسنينه

noreply@blogger.com (Shiko) — Mon, 05 Feb 2007 15:52:00 +0000

السلام عليكم

اخوانى واخواتى الاعزاء رواد هذا البلوج الكرام من حيث لا ادرى هبط عليا تاج لا كان على البال ولا على الخاطر_الله يكرم اللى كان السبب-وجع دماغى ووجع ايدى وطبعا هاجاوبه لان اسئلته ظريفه جداااوهتعرفنا ببعض اكتر، وللاسف اكتشفت ان مفيش مسح اجابتين ولا الاتصال بصديق بس اتمنى ان يدخل لجنه رأفه بحالى ويعجبكم استنوا لما اشمر الكم واحضر كوبايه الشاى جنبى ونبتدى الاجوبه

ايه اللي هيحصل لايميلك لما تموت؟ ؟

سؤال وجيه فى الحقيقه مش بس ايميلى انا مشتركه فى منتديات النت كلها تقريبا واوصيت بان يتعمل نعى فيها وفى البلوج والدعاء لى بالرحمه

اديت الباسوورد لحد قبل كدة؟لو اه كانت طبيعة علاقتك بيه ايه؟

اديت الباسورد بتاعى لاختى وصديقتى عشان تقوم باللازم لما يفتكرنى رب كريم

اسمك ؟

اسمى شيماء

اسم الدلع المشهور وسط أصحابك؟

شيكو،هاميس هو اسمى الحركى

عمرك ؟
ولو ان السؤال ده كل البنات بتهرب منه انا بحب اقول عمرى من غير ما اتسأل انا عندى 28 سنه صغيره مش كده

برجك ؟
برج الديك ده برج جديد نوفى لا جد بقى برج العقرب -يا ساتر- بيلوش على طول

مجالك أو مجال دراستك؟

انا باشتغل مصممه جرافيك

شخصيتك نوعها ايه؟

موديه بشكل غريب يعنى ممكن بوظى يتقلب فى لحظه بس مش غداره واللى يقدر يحكم على شخصيتك حقيقى هو الناس اللى عاشروك وقربوا منك

السفر بالنسبة لك؟
السفر متعه فى حد ذاته ورفاهيه مش دايما متوفره ليا عشان التزاماتى وارتباطى باسرتى

المود بتاعك؟

مود متقلب الاجابه بالتفصيل انظر اعلى الصفحه

وقت فراغك بتعمل فيه ايه؟
القراءة ثم الانترنت ثم التليفزيون ثم جزيره القطن

الأكلة المفضلة؟
باموت فى البيتزا وكل انواع النواشف والمعجنات اما المسبك والمحمر والمشمر ماليش فيه

الصفات اللي خدتها من بابا الله يرحمه؟

حب الناس والقراءة والمواظبه فى العمل

الصفات اللي خدتها من ماما؟

الدماغ الناشفه والجدعنه

أكتر 6 حاجات بتكرهها؟
الخيانه

النداله

الانانيه

الغرور

النفاق

البخل

وبينى وبينكوا البصاره

أكتر 6 حاجات بتحبها؟

اكيد عكس الكلام اللى فوق وزود عليهم اسرتى الصغيره واصحابى الانتيم والخيل والقمر الليل وصفحه النيل

الشغل بالنسبة لك؟
حياتى مقسومه بين الشغل والبيت يبقى الشغل هو نص حياتى

ايه الكمبيوتر والانترنت بالنسبة لك؟

روح مصمم الجرافيك هو الكمبيوتر والانترنت طبعا بعد الموهبه والاطلاع على كل جديد

أمرره لمين؟؟؟ او بمعنى اصح ارازى بيه مين؟

darbet shams

الحصان الأسود

إنسانة

معلش يا اخوانا ماهو لازم يكون فيه ضحايا

كده نكون انتهينا اللهم بلغت اللهم فاشهد

أين أنت؟

noreply@blogger.com (Shiko) — Sat, 03 Feb 2007 10:50:00 +0000

أين أنت؟ بحثت عنك فى كل مكان لقد استحوذ على احساس الوحده، ألا تعلم أنك الوحيد الذى ملئ حياتى، فقد استغنيت عن كل اصدقائى واحبائى، من اجلك كرست لك كل عمرى، اصبحت صديقى..حبيبى..ورفيقى فى رحله الحياة

هلى مللت منى؟ تريد ان تبتعد عنى، كم قضيت من ليالى لا يشغل تفكيرى إلا ما تقوله وما يدور بداخلك، كم تحدثت مع من حولى عنك، فملئت على ساعات ليلى ونهارى، وملكت على نفسى

أحس معك كأنى اسافر لبلاد لم اسمع عنها ولا اعرفها، وارجع لأجد نفسى لم اتحرك من مكانى وانت امامى، لا اعبء بمن حولى فالبشر كلهم عندى سواء منغلقين على مابداخلهم لا استطيع ان اعلم ما فى ضمائرهم، أما انت فأبحر بداخلك لا أجد نهايه لبحرك فامواجه تشدنى كلما حاولت الخروج فلا استطيع ان ارسو على شاطئك

كل تساؤل يدور بخلدى له عندك اجابة، كأنك تعلم ما اريد ان اقوله قبل ان ألفظ به، تعرف متى تطرح الاسئلة وكيف تجيب عنها، تعرف ما هى لغة الحوار التى يجب ان تكون بيننا، انت لست ثرثاراً كالباقين حلو حديثك يعطينى معنى للحروف ومغزى للعبارات

هاقد عثرت عليك، لا تفعل ذلك بى مرة اخرى لقد اعتدت عليك ولن اتنازل عن صحبتك ابداً

كتابى ... يا صديقى الاوحد، لقد استفدت منك كثيراً اعطيتنى ولم تنتظر المقابل، احس بأن بين اوراقك وسادتى وغلافيك غطائى... مهما كتبت عنك لن اوفيك حقك عزائى الوحيد انك الملهم لى فى كتاباتى

الساعه كام؟!

noreply@blogger.com (Shiko) — Tue, 30 Jan 2007 20:30:00 +0000

الساعه كام؟! كان هو ده السؤال اللى سأله لى سواق الميكروباص اول ما وطأت قدمى عربته الميمونه ،ما طولش عليكوا طلعت الموبايل وقلت له الساعه 6-مش عيب ولا حرام-فاتت دقيقه ولسه محدش ركب الميكروباص غيرى

التفت السواق ليا و سألنى على حين غره وانا لا بيا ولا عليا "هو انت ليه رديتى عليا لما سألتك على الساعه؟" اتنفضت من مكانى وبصيت له وكانت نظراته مليانه استغراب وشك كأنى عملت جريمة ولا اتيت من الافعال ما يندى له الجبين-حلوه يندى دى- بينى وبينكوا كنت عايزه اصرخ لكن معرفتش افتح بقى اصلا- الجبن سيد الاخلاق- ودارت فى دماغى الشكوك ياترى ده من بتوع اصل انا عندى شعره ساعه تروح وساعه تيجى ، ولا يكون سفاح المعادى بس حب يعمل تمويه ويغير جو عندنا فى الجيزه ،وبصراحه مالت نفسى للتفسير التانى بالاخص انه تنطبق عليه الاوصاف اللى سمعنا عنها "اسمر الون ويلبس كوفيه وعنده شنب ودقن دوجلاس

مادانيش فرصه وقالى"اصل سألت مزمازيل قبلك وخافت ومرديتش تقولى الساعه كام" ربكوا والحق صعب عليا وخلانى طول السكه افكر هل كان تصرفى انا غلط انى رديت عليه ولا تصرف السيده اللى سبقتنى صح انها مرديتش عليه؟ هل انعدم الامان والثقه بينا للدرجه دى ان حتى ابسط الاسئله بنعتبرها معاكسه وغلط ؟ هل بقينا نخاف من بعض لدرجه تخلينا حتى السلام نفكر نرد عليه ولا لا؟

على اى حال نزلت من الميكروباص وانا ما زلت عند رأيى ان لو انعدمت الثقه وزادت الشكوك فى اللى حواليك مش هتعرف تعيش وهفضل ارد على كل اللى يسأنى الساعه كام؟

نزلت من الميكروباص وانا متأكده ان السواق حرم يسأل اى واحده تانى الساعه كام؟

فستان الزفاف

noreply@blogger.com (Shiko) — Fri, 26 Jan 2007 12:53:00 +0000

جلست تعتصر الذكريات وترشفها، رغم مرارتها ، فتحت خزانة ملابسها وجدته فستان زفافها وقد علاه التراب وظهر عليه اثار الزمن فلم يكن احسن حالاً من صاحبته ، احست ان ذلك التراب لم يغطى فستانها الابيض فقط ولكن غطى قلبها، فاصبح لاترى غير الماضى، وامضت ايامها تجتر ذكريات انقضت

نظرت إلي الفستان وتذكرت كم كانت جميله فيه وكأنه صمم خصيصاً لها وكأن القدر ابى ان تضعه غيرها على جسدها، كم كانت دهشته حينما رآها ترتديه نظر إليها وكأنه يراها لأول مرة، اعتلت وجهه ابتسامه، وامتلئت عينيه بالفرح، فرأت فيهما الزينه والأنوار والناس الذين فى انتظارهما ليهنئوهما، لم يتردد لحظه ان يشترى لها الفستان، ولكن هى ماذا كان شعورها؟

رجعت لبيتها يومها تلمس الفستان وكأنها تريد ان تصدق ان ابواب السعاده اصبحت تمتلك مفاتيحها، لم تنم ليلتها،احتضنت الفستان بين ذراعيها وكأنها طفل صغير فرح بملابس العيد ولكن كان هناك ما ينبأها بانها لن تلبس هذا الفستان مرة اخرى، حاولت ان تبعد هذا الخاطر عنها ولكن دون فائده كل من حولها طمئنوها قالوا لها انها مشاعر خوف وقلق تمر بها كل فتاة مقبلة على الزواج

وكأنها كانت تحس بما سيحدث اصبح قصر سعادتها اطلال خربه مهجورة، فرق القدر بينها وبين من تحب، فلم تستطع معاندة القدر ولن تستطع تحويل عقارب الساعة إلى الوراء لكى تمنع ما حدث، طوت احزانها داخل قلبها، أبت ان تعرف الدموع مكاناً فى عينيها، كانت صلبه مثالاً للشجاعه والصمود فى وجه الأحزان

مرت أيام تلتها شهور واعوام، وهى تعيش على ذكرى حبيبها وكأن الزمن توقف بها عند لحظه فراقه، تحس بأنها خلقت لتعيش فى عالم ليس لها

اليوم فقط نظرت إلى فستان زفافها، ولكنها لم تكن نفس الفتاة التى كانت تملأها السعادة، ما تراه اليوم امامها فى المرآه شبح لفتاة قتلت فرحتها امامها، فتاة حفر الزمان على وجهها اثاره فلم تأخذه بها شفقة أو رحمة، نظرت إليه ولسان حالها يقول هل سيأتى يوماً ارتديك؟

مالك الحزين

noreply@blogger.com (Shiko) — Fri, 19 Jan 2007 11:13:00 +0000

اراك محلقا وغنائك يزداد حزناً كأنك تريد ان يصل صوتك إلى المحبوب، فيه من العتاب ما يرق له قلب الحجر كم انت برئ كيف جرأ على حرجك؟ ألا تقترب لكى استطيع مناجاتك أوتتخذنى لك رفيقه، هاأنت يرسو شراعك بجانبى

أيها الطائر الجميل ملأ الحزن جفونك، واثقل الدمع اجنحتك. اصبح يتردد فى الفضاء صدا آهاتك، لماذا اقترن اسمك بالحزن وعلام انت حزين؟ ابدع الله صورتك ورغم ذلك تقطر من عينيك الذكريات الاليمة

نظرت فى عينيك ربما اكتشف ماتخفيه نفسك من اسرار، وجدت من الجراح ما لا يستطيع ان يداويه الزمن نظرت إليها بعمق اكثر فشاهدت سرد لقصتك لقد تفانيت فى الحب فاصبح الحب زادك فى السفر وعند الترحال ولكنك اعطيت الامان لمن لا يستحق وضحيت لمن لا يقدر التضحيه

احتاجت إليك فكنت معها قلباً وروحاً جعلتها ترى من خلالك ما لم تراه من قبل كانت مجروحه فساعدتها على الوقوف فى وجه المحن واحتمال العواصف العاتيه

انه خطأك يا صديقى ولكن هل ستسامحها وتمضى لتكمل باقى المسيره ام ستقف هنا لتصب عليها لعناتك؟ لقد اصبحت الآن فى طى النسيان

حاولت ان اقترب منك لاضمد جراحك ولكنك كنت ترتجف خوفاً وتركتنى وطرت محلقاً فى الافق هارباً وكأنك تخاف من المجهول أو رحال تريد ان تكتشف عوالم اخرى ربما تجد ضالتك وترسو اجنحتك على بر الامان

حدوتة مصرية

noreply@blogger.com (Shiko) — Thu, 18 Jan 2007 19:24:00 +0000

الله عليك يا منير

نسمع مع بعض حدوتة مصرية

قدرى

noreply@blogger.com (Shiko) — Mon, 15 Jan 2007 14:05:00 +0000

قدري اني احببتك......لكن لا اعرف ماذا يخبئ لي القدر
احببتك لكن لا أعرف .......ماذا اقول عن حبك المقتدر
لا أعرف ماذا اقول ........الحب نصيب أم قدر
احببت الصباح لأنك الصباح......واحببت المساء لأنك القمر المنتظر
حبك اشعل في قلبي لهيب.....لا تطفئه حتى سيول المطر
من كثرة حبك أكتوى القلب... حتى اصبح يكوي الجمر
لو تدرين كم احبك......لعشنا اياما في الحب والسمر

فالحب قدر مكتوب ..... وعلينا ان نؤمن بهذا القدر

وسقطت جميع الأقنعة

noreply@blogger.com (Shiko) — Sat, 13 Jan 2007 11:55:00 +0000

وسقطت جميع الأقنعة

كان بين يدي شئ غالى ونفيس لم أكن ادرك قيمته إلا بعد أن اختفى من حياتي جعلت اتذكر جميع الذكريات التي جمعتني به الجميلة منها والسيئة وكيف كانت ضحكاتنا وأحزاننا وأوقات الشدة التي مرننا بها وأوقات الفرح وأمنياته لي بكل الخير والسعادة
حتى اننى بت اتذكر لحظات قسوته على وكيف كنت لا أتقبلها إلا اننى الآن أتمنى أن يرجع حتى لو يصبح أكثر قسوة
آه لو ترجع عقارب الزمن إلى الوراء لجلست تحت قدميه وما فارقته للحظة واحدة لو كنت اعلم أن هذه اللحظات هي آخر ما تبقى لي معه لما تركته يبعد عنى طرفة عين كنت اعتذرت له عما بدر منى في حقه حتى لو كان هو المخطئ كنت رسمت على شفاهه الابتسامات حتى تكون آخر ذكرياتي معه هي البسمة وتكون آخر صورة له في ذاكرتي هي وجهه الباسم
لقد فارقني ومعه فارقني السعادة و الآمان بل وتهدمت احلامى فأصبحت لا أرى منها إلا أطلال، كل شئ يذكرني به هذه علبة سجائره وهذه رائحته الفرنسية أشم عبقها وهى تملأ المكان من حولي فأحس كأنه يحيط بى يآزرنى
أتذكر كيف كان مصدر قوتي التي أحاول الآن أن أتظاهر بها حتى لا اظهر بمظهر المخلوق الضعيف وحتى لا يفكر احد أن يكسرني بينما في الحقيقة لقد كسرت منذ فارقني
سقطت جميع الأقنعة وظهرت الحقيقة بوجهها السافر أطماع اضغان وخيانة ، لقد أدركت أن بفراقه ماتت المثل والمبادئ كان يمثلها جميعاً أمامي واكتشفت أن هذه الحياة لا يمكن لمثله أن يعيش فيها - فهو كان كدنكشوت يحارب طواحين الهواء- لذلك هو غادرها بسلام وتركني أتعذب أريد أن اعرف مصيره هل يحس بما أنا فيه؟ هل يسمعني؟ هل كان يريد أن يقول لي شئ قبل أن يرحل؟هل علم بما حدث لي بعد رحيله؟
لقد وجدت نفسي اسطر هذه الكلمات وأنا يخالجنى شعور غريب بأني سأقابله وستكون سعادتي اكبر لأني مثله لا استطيع العيش في حياة كل من فيها يضع على وجهه قناع زائف

من ديوان نضارة نظر

noreply@blogger.com (Shiko) — Tue, 02 Jan 2007 19:14:00 +0000

للشاعر:محمود رضوان

مطلوب منك...انك

تهرب منك...وانك

تبعد عنك...وانك

ترمى حاجات جواك من سنك... وانك

تدبح فنك... وانك

تسرق دمع البوح من ننك... وانك

تطرح عنك كل معانى الحلم لانك

عايش وحدك وسط الناس....مشكلتك ...عندك احساس

*********

فيه ناس بتموت عشان كلمه

و ناس بتموت عشان حكمه

و ناس بتموت عشان لقمه

و ناس بتموت بعلو الصوت

و ناس بتموت ملانه سكوت

و ناس بتعيش عشان ذكرى

وناس بتعيش عشان بكره

وناس بتعيش عشان فكره

وناس بتعيش فى حضن الموت

وناس عايشه ومش عايشه

وناس ماشيه ومش شايفه

وناس تايهه وناس خايفه

وناس من جهلها بتموت

************

بننجرح

كل يوم لكن

بيفرحنا

ان انت جوه القلب ساكن فى افراحنا

وانت الامل فى العيون

والنشوه ساعه جنون

واياك تكون زيهم وتروح وتجرحنا

ده انت الوحيد منهم تقدر تريحنا

بننجرح

طب ليه بنجرح بعض

وليه يكون الشوك هو الدليل على الورد

وليه يضيع عمرنا بين الجراح والويل

واحنا اللى كان حلمنا الفجر بعد الليل

وليه يطول صبرنا من غير امل ودليل

واحنا اللى من حقنا ان الامانى تميل

عيديه عيد الاضحى

noreply@blogger.com (Shiko) — Sun, 31 Dec 2006 15:22:00 +0000

السلام عليكم

من منا لم تستفز مشاعره من هول ما حدث فى اول ايام عيد الاضحى المبارك؟ دليل اخر على عدم احترام الغرب لنا كعرب لماذا اختاروا هذا التوقيت بالاخص لاعدام الرئيس العراقى المخلوع صدام حسين؟

انا لست من مؤيدى صدام ولكن فى نفس الوقت من ابسط حقوق الانسان الذين يتشدق بها الغرب هى احترام المشاعر الدينيه للعرب ولقد ظهر هذا واضحا بتنفيذ حكم الاعدام فى الرئيس المخلوع صدام حسين مع الخيوط الاولى لفجر اول

ايام عيد الاضحى

فى الرابط التالى حكم الاعدام مصور وقد ظهر صدام وهو ينطق الشهاده ورفض ان يغطى رأسه حتى تبقى عينيه تطارد كل خائن جبان مدعى عروبه

http://www.arbup.net/v/806151/sadam.3gp.html

لا يبقى لنا الا ان نقول رحم الله صدام حسين وحسبى الله ونعم الوكيل

حركات قرعه

noreply@blogger.com (Shiko) — Mon, 18 Dec 2006 18:21:00 +0000

هاتكلم عن الرسايل العجيبة اللى بتيجى على الموبايل اليومين دول

اول رسالة وصلتنى من احدى شركات المسابقات ومحتواها :المجوهرات والسيارات الفخمه فى انتظار اشترك فى مسابقتنا الدينية

وادعت انها قناة أقرأ انا قلت اشترك وبصراحة الاسئله كانت قوية لكن مقتدرش اصمد للنهايه وضاعت ربع ساعة من رصيد الكارت بتاعى بس الحمد لله انها ضاعت فى حاجة مفيدة

بعد يومين بالظبط قرأت فى الجرائد تكذيب من قناة اقرأ انها ليست المنظمة لتلك المسابقة قلت يالا الكارت خد الشر وراح

ثانى رسالة وصلتنى الساعة 2بالليل وذلك بعد اكثر من رنة والنمرة طبعا معرفهاش وانا نايمة زى القتيل

ومحتوى الرسالة:"كلمنى من فضلك " -رسالة فودافون المجانية الشهيرة-المهم قتلنى الفضول واتصلت رد عليا صوت خشن وقال ايه عايز يتعرف عليا

مش بالذمة حرقة الدم-على رأى الكابتن تامر حسنى-فيه حد مستقصد الكارت بتاعى وشكلى هابيع الموبايل عشان استريح

الرسالة الثالثة واكيد دى عدت عليكوا هى واحد يقولك الرسول عليه الصلاة والسلام او احد اهل البيت زاره فى المنام وقاله ابعت كلمة لا اله الا الله ل30شخص وهتسمع بعد اربعة ايام خبر سار واذا مابعتهاش ستحل عليك اللعنات والمصائب برضو فى خلال اربع ايام

تبقى اللى عايزة تتجوز ولا اللى عايز يشتغل يجرى يبعت الرساله ل30شخص وممكن يبعتها 30مرة لشخص واحد هى التجارة بقت كمان فى الدين

طبعا ذكر الله لايكون مرهون بوقت معين او عدد محدد كما ان المصائب والاخبار السارة لا يمكن ربطها برسالة موبايل ولكنه قدر كتبه الله تعالى ولا يمكن دفعه الا بمشيئة الله تعالى

ومازالت سيل الرسايل العجيبه لا ينقطع

عايزه اعرف ايه اغرب او اطرف رساله وصلتكوا؟

Dezainr Club !!

noreply@blogger.com (Shiko) — Mon, 20 Nov 2006 20:35:00 +0000

السلام عليكم

اصدقائى نخفف من حدة الكلام فى السياسة ونروح على نادى

Dezainr Club

ده نادى لكل المصممين المبدعين ولسه هنقص الشريط اللى عايز يساهم معايا فى انشاء النادى ده يا مرحب بيه

طب ايه شروط النادى ده يا شيكوووو؟

كل مصمم يجد فى نفسه القدرة والابداع يحط لنا اخر تصميماته واجملها

او يساهم فى تعليم الفوتوشوب ويحط لنا درس او لينك لموقع لتعليم الفوتوشوب

وبكده نفيد ونستفيد وهنيالك يا فاعل الخير

هاقص انا الشريط وافتتح نادى المصممين ببعض تصميماتى اتمنى ان ينالوا اعجابكم

بقى ده كلام !!

noreply@blogger.com (Shiko) — Mon, 20 Nov 2006 19:36:00 +0000

السلام عليكم جميعاً

بما انى مصريه مينفعش يكون فيه مهزله حصلت فى بلدى واقف اتفرج عليها دون ان اناقشها معاكم جايز نحاول نحط

ايدينا على اسباب المشكله او نعرف ليه ده حصل ؟

او على الاقل نعرف ازاى نمنع حدوث الكارثه دى مرة تانية

طبعاً كلكم سمعتوا عن احداث التحرش الجنسى أو زى ما بيسموها "السعار الجنسى" فى وسط البلد ايام العيد وزيكم انا سمعت ومصدقتش لكن بعد ما قرأت فى عدة جرايد منها على سبيل المثال "جريدة الدستور" وكمان شفت صور ومقاطع فيديو لتلك الاحداث على مدونات عديده صدقت وآمنت

اللى مش مصدق او مش عايش معانا يضغط على الرابط التالى

http://malek-x.net/node/268#comment-8878

لا اخفيكم سراً انا فزعت هل احوال البلد ساءت للدرجه دى من امتى البنات خلعوا عباية الخشا ومن امتى الشباب بقى كل هموا يجرى ورا الجنس

راحت فين الاخلاق ماتت ويا ترى اتعمل العزا فين وانكتب العزا فى صفحة الوفيات بالبنط العريض ولا لا؟

احب اسمع ارائكم عشان نستفيد ونتناقش بموضوعيه ونحاول نوجد حل بشكل حضارى بعيد عن الالفاظ البذيئة او العبارات الخادشة للحياء